हरियाणातील पंचकुला येथील आरोपींना घेऊन जाणाऱ्या पोलीस वाहनाचा समृद्धी मार्गावर पांढरकवडा येथे अपघात झाला. त्यात पोलीस निरीक्षक रेखा चव्हाण यांचा मृत्यू तर सहायक पोलीस उप निरीक्षक सुखविंदर्सिंग मिठ्ठू जगड़ा, चालक शम्मी कुमार, आरोपी वैद्यनाथ शिंदे हे जखमी झालेत.
जखमींना सावंगीच्या रुग्णालयात दाखल करण्यात आले आहे. फसवणुकीचा गुन्ह्यात आरोपी असलेल्या शिंदे यास नागपूरला नेण्यात येत होते.या पोलीस वाहनाने पुढे असलेल्या ट्रकला मागून धडक दिली. त्यामुळे पोलीस वाहनाचा चेंदामेंदा झाला. सावंगी पोलिसांनी अपघातग्रस्त वाहन ताब्यात घेतले आहे. अपघाताची माहिती होताच सावंगी व जाम महामार्ग पोलीस घटनास्थळी दाखल झाले.
