पनवेल तालुका प्रतिनिधी:- धनाजी पुदाले
विकास कामांचे लोकार्पण आणि आधारकार्ड शिबिराने सरपंच रमाकांत गरुडे यांचा वाढदिवस साजरा होणार आहे. पनवेलजवळील आदई ग्रामपंचायतीचे सरपंच रमाकांत गरुडे यांच्या ५० व्या वाढदिवसानिमित्ताने १ जून २०२३ रोजी सकाळी १० वाजता आदई ग्रामपंचायत अंतर्गत विविध विकास कामांचे लोकार्पण आणि उद्घाटन त्याचबरोबर आधारकार्ड शिबिराचे आयोजनही करण्यात आले आहे.
यानंतर सायंकाळी ७ वाजता अभिष्टचिंतन आणि गुरु कदम संगीत जलसा हा मनोरंजनांचा कार्यक्रम पनवेलमधील मार्केट यार्ड येथे आयोजित केलेला आहे. या कार्यक्रमास सर्वांनी उपस्थित रहावे असे आवाहन सरपंच रमाकांत गरुडे यांनी केले आहे.
